काठमाडौं । नेपाली कांग्रेसका राष्ट्रियसभा सदस्य जितजंग बस्नेतले राष्ट्रिय स्वतन्त्र पार्टीका सभापति रवि लामिछानेलाई तत्काल पक्राउ गर्नुपर्ने बताएका छन् ।
शुक्रबार बसेको कांग्रेस केन्द्रीय समिति बैठकमा बोल्दै नेता बस्नेतले यस्तो बताएका हुन् ।
उनले लामिछानेको दोहोरो पासपोर्ट र नागरिकता भएको प्रमाण भेटिएपछि पक्राउ गर्न ढिलाई गर्न नहुने बताए ।
नेता बस्नेतले सरकार र गृहमन्त्री आफ्नै हुँदा पनि लामिछानेलाई थुन्न किन ढिला गरिएको हो भन्दै प्रश्न गरे।
नेता बस्नेतले भने,’दोहोरो पार्सपोर्ट र नागरिकता भएपछि के को ढिलाई ? सहकारी ठगी उनको थप अपराध हो । तुरुन्त थुनौं ।’
उनले लामिछानेलाई पक्राउ नगर्ने हो भने प्रत्येक नेपाली नागरिकलाई दोहोरो पार्सपोर्ट र नागरिकता दिनुपर्ने समेत बताए ।
नेता बस्नेतले नेताहरुलाई छुट दिँदा जनतालाई किन छुट नदिने भन्दै प्रश्न समेत गरे ।
प्रतिक्रिया
सम्बन्धित खवर
